Huus van de Taol viert jubileum met De Grote Drentse Streektaolstried!

Huus van de Taol viert jubileum met De Grote Drentse Streektaolstried!

Beilen-Umdat streektaolorganisatie Huus van de Taol op 1 meert 15 keersies oetblaozen hef is der ter ere
van dat jubileum op zaoterdag 19 november De Grote Drentse Streektaolstried in Beilen!

In dizze Drentse pubkwis wordt vraogen steld over de Drentse taol, maor ok over meziek, cultuur,
geschiedenis en actuele zaken.

Verienigingen, clubs, femilies en kammeraoden oet hiel Drenthe kunt metandoen. Groepies
bestaonde oet 4 of 5 personen kunt zuch tot vrijdag 15 oktober opgeven.

• Inschriefgeld: € 5,- p.p. Hierveur kreg elkenien een kop koffie, twie consumpties en een
lekker borrelhappie.
• Tied: 13.30 – 16.00 uur

Woj metandoen? Meld je dan an via de website van het Huus van de Taol: https://huusvandetaol.nl/streektaolstried

Anmeldingen wordt verwarkt op daotum en tied van anmelden. As der gien stee meer is, zuw je op
de wachtliest zetten.

De Grote Drentse Streektaolstried is underdiel van het Lös Huus dat de Drentse streektaolorganisatie
op 19 november organiseert. Meer informatie hierover volgt binnenkört.

Het Huus van de Taol is de streektaolorganisatie die het Drents anfietert met as doel um het een taol
te laoten weden waor de gebroekers groots op bint en die de niet-gebroekers waardeert.

Deel dit bericht!

Geef een antwoord