Schrievers Hans Katerberg en Rolf Mulder komt met merakels mooie hervertelling

BEILEN – Op vrijdag 28 november is VALS prissenteerd, de Drèentse bewarking van het middelieuwse verhaal Van de vos Reynaerde. Schrievers Hans Katerberg en Rolf Mulder hebt het olde vossenverhaal bewarkt en naor het Drèents umzet. Ze hebt daorbij teksten schrapt en aandere teksten juust andikt. Het risseltaot is een boek dat niet geschikt is veur wieke kinderzielties. Het verhaal giet over seks, moord, incest, umklokkerij en ofgriezelijke wraak. De valse Reynaert kreg deur list en bedrog warkelijk het onmeugelijke veur mekaar. Het is een merakels boeiend verhaal veur groten.

Het eerste exemplaor van VALS is an Hans Jalvingh en Martin Koster oetlangd. In 2023 waren zij het die begunden um de Drentse schrieverij an te fietern een umtaoling van dit vossenverhaal te maken. Illustratrice Maartje I. Jansen hef prachtige tiekenings veur VALS maakt. De dieren hebt van heur menselijke oetdrukkings metkregen.

VALS is veur € 19,95 te koop bij de betere boekhandel en via de webshop van het Huus van de Taol (huusvandetaol.nl/webshop).

Op de foto vlnr: Hans Katerberg (schriever), Maartje I. Jansen (Illustratrice), Hans Jalvingh, Martin Koster, Rolf Mulder (schriever)