Hoogeveen – Eigenlijk had het boek ‘De Baos & Ikke II’ al veel eerder te koop moeten zijn, maar door allerlei omstandigheden was dit verlaat. De presentatie van het tweede deel vond dinsdagavond plaats in de ontmoetingsruimte van NNZC in Krakeel.
Vol trots verteld Yvonne:
Hier is tie dan!! De Baos & Ikke II.
Eindelijk kan ik hum laoten zien en wat bin’k gloepense gloepense trots op ’t uutèendelijke resultaat
En och … Wat was ’t schitterend gistern. De prissentatie begunde mit een welkomstwoord van De Baos Himzölf, daornao zat ik in een spannend interview mit Roelof Koopman van Met Koopman Op Pad, vervolgens he’k zölf nog wat verteld en ’t eerste exemplaar uutereikt.
Mien dappere schoonzussie much ’t boek in ontvangst nemen, postuum bestemd veur mien breur Jan 
Nao ’t ‘officiële’ gedeelte hebt Annemiek Drenth samen mit gitarist Erwin een prachtig optreden egeven. En oh … zo moooiiiii … ze hebt ok mien Drentse vertaling van Don McLean’s Vincent espeuld. Hoe gelukkig kuj oe vulen
Wát wás dit weer een parel van een aovend en wat bin’k bliede en dankbaar mit zoveule lieve femilie en vrienden umme mij hin die der altied veur mij bint 
Bedankt daorveur.
Bedankt daorveur.Ok een woord van dank veur Roelof Koopman
en Martin Schonewille van Schonewillefotografie (en mien collega bij RegioNieuws). Super mooi dat jullie der waren!! Ok collega Ellen en vriendin Grietje: super bedankt veur jullie hulp.
In de allerneiste bundel van ‘De Baos & Ikke’ stiet (net as ’t eerste boek) bomvol rare fratsen die allemaolt waorgebeurd bint. Soms een beetie anedikt, mar toch … waorgebeurd!
Boek is vanof nou te koop veur € 17,50 bij mij, Gerans Hoogeveen en Monre Woondecoratie Holl-veld en via Yvonne Bijl.nl. De Baos & Ikke II, 231 bladzijden humor in en umme ’t Hogeveine!
De verhalen van Yvonne zijn ook elke twee weken te lezen op Regionieuws Hoogeveen.
