Taolschultes Huus van de Taol bint nou Streektaolambassadeurs

Al meer as twaalf jaor hef streektaolorganisatie het Huus van de Taol in alle Drentse gemienten een vertegenwoordiger zitten: de ‘taolschulte’. Een prachtige naam, maor die dekt de lading niet goed genog meer. Daorum heet ze vanof nou ‘streektaolambassadeurs’.

Directeur Renate Snoeijing: “Het Drents kent vanzölf een dudelijke link met het verleden, maor wij wilt de taol ok veural wat van vandaag weden laoten. Daor past een naam as ‘taolschulte’ niet meer bij. Deur dizze neie naam wordt geliek dudelk wat ze doet.”
De twaalf streektaolambassadeurs zörgt er samen met de streektaolvrijwilligers (die heetten ‘Keurnoten’) veur dat er in heur gemientes genog aandacht is veur het Drents en dat er een koppel activiteiten organiseerd wordt waor het Drents een belangrieke rol in hef.
In totaal hef het Huus van de Taol umdebij 180 vrijwilligers deur de hiele previncie, die zuch der drok veur maakt um het Drents goed veur het voetlicht te brengen.

Op foto Streektaolambassadeurs Yvonne Bijl – Hooijer tijdens haar boekpresentatie jongstleden. Foto: Martin Schonewille

Deel dit bericht!

Geef een reactie