Yvonne Bijl: Een verstopt gezin

Dizze weke gien verhaal aover ‘De Baos en ikke’. Mar een gedicht. Aover een schokkend neisbericht. Die de hiele wereld aover giet. Een wereld waor zij gien weet van hadden …

 

Een verstopt gezin

 

Dit is veur degenen die hoopt in bange dagen

en tegen gieniene klaagt, ok al hebt ze zat te klagen

zij bint der al zo lange. Mar der veur oons nooit waren

Gien namen op pepier. Gien namen opeslagen

Dit is veur heur ogen. Die ziet. Mar nooit iets zagen

Dit is veur degenen die hoopt in lange dagen

 

Hebt zij ooit edacht in de uren die vervaagden

dat zij de lesten waren? En dat zij der buten lagen

Wussen zij van oons? Heurden zij oons bij vlagen,

verstopt in een kelder. Vanof de kienderwagen?

Wij kunt allent mar dèenken: Wat mussen zij verdragen

Wachtend op de tied. Op heur ende der dagen.

 

Yvonne Bijl-Hooijer

yvonnebijl.nl

 

 

Deel dit bericht!

Geef een reactie